Entrega do donativo correspondente aos ingresos do II Feirón Solidario de Nadal

O luns 15 de maio visitounos por 2º ano Óscar Palleiro, bombeiro en Cambre e voluntario en salvamento, que nos falou do seu labor nas dúas ONGs coas que xa colaboraba o ano pasado: Proemaid e Rodeiras xuntas por Marrocos e tamén da súa nova colaboración en Turquía con Acción Norte. Ademais de aprender e empatizar coas inxustizas que se atopan detrás da crúa realidade da migración, os desastres naturais e a pobreza, fixémoslle entrega do 50% dos ingresos recadados (101,25€) na 2ª edición do Feirón Solidario de Nadal que se organizou desde os Departamentos de Economía e Convivencia coa colaboración do alumnado de 4º ESO-B. A dito donativo, sumouse a cantidade de 11,70€ doados pola familia dunha alumna. Total: 112,95€.   

Moitas grazas a todos/as pola vosa colaboración no II Feirón Solidario do IES David Buján.

Día da Paz 30/01/2023

We are the world

Feirón solidario Nadal 2022

Mércores 21 de decembro  e xoves 22 de decembro esperámosvos no Feirón solidario de Nadal situado ao lado da porta principal do centro. Durante os períodos de lecer, o alumnado organizador de Economía - 4º ESO-B procederán a vender todos os artigos expostos. Non deixedes de visitarnos!

25 N

O Equipo de Dinamización da Lingua en colaboración co Equipo de Convivencia, sumámonos aos actos relacionados co 25N, Día da Eliminación da Violencia contra as Mulleres.

Xornada de formación do profesorado: titoría entre iguais

O martes 26 de abril tivo lugar a segunda xornada de formación relacionada con Convivencia. María Nogareda falounos do programa de Titorías Entre Iguais que se está a desenvolver nalgúns centros educativos. Explicou as súas grandes vantaxes e os pasos que deberiamos facer se queremos implantalo. A vindeira xornada, dedicada á Disciplina Positiva, será o 12 de maio.

Charla Arelas: 31 de marzo, Día da Visibilidade Trans

O pasado día 8 de abril, Cristina Palacios, da Asociación Arelas (Asociación de familias de menores trans), impartiu unha charla para o alumando de 4º da ESO sobre diversidade afectiva e de xénero. A charla enmárcase nas actividades para conmemorar o 31 de marzo, Día da Visibilidade Trans, tratado nas titorías a través de material audiovisual.

Desde o Departamento de Convivencia gustaríanos concienciar o alumnado no respecto ante unha realidade que cada vez atopamos con máis frecuencia. Por iso propoñemos para titorías, mesmo tamén para as gardas de aula para as que non se deixe traballo, a visualización do seguinte material, que pode dar tamén lugar a debate:

Un mundo diversX	Historia de Pablo
Monólogo dunha rapaza trans	Documentos TV: "El sexo sentido"

8 de marzo. Día Internacional da Muller

Curtametraxe francesa na que se mostra un mundo onde os home son mulleres.

Despedidas

Todo o que se viviu vai ben gardado / na memoria...

Manuel María, Remol

 Grazas a Eva Sanz, inspiradora do grupo, por estes anos de traballo intenso e motivador. Esta historia ha continuar...

30 de xaneiro, día da paz

O noso logo

Por fin temos logo!
Grazas a Silvia Fernández, a profe de Plástica. Unha artista.
Encántanos!

E ti, que podes facer contra os malos tratos na escola?

Créditos:

O texto desta guía sobre malos tratos na escola é unha tradución de I tu, què hi pots fer? Maltractament entre iguals: viure i conviure a l' ESO de Jordi Collell e Carme Escudé.
Xulia Vicente, alumna de 1º de Bacharelato no curso 2009-2010,  é autora do cómic que ilustra a guía.
As imaxes están tomadas de Flickr con licenza CretiveCommons.
A maquetación correu a cargo de Silvia Fernández Álvarez, xefa do Departamento de Debuxo.


Desde a barra lateral, en Materiais, podes descargar a guía en formato .pdf

Equipos de Orientación Específicos

Ver Equipos de Orientación Específicos nun mapa máis grande

Un servizo de orientación externo aos centros educativos. Este servizo ten unha composición profesional que pretende dar resposta ás necesidades de intervención externa ligadas a aspectos psicopedagóxicos específicos e a cuestións sociais ou mesmo familiares que teñen incidencia no ámbito educativo.