Para completar as actividades do día Internacional das Persoas con Discapacidade o luns día 4 o equipo docente quiso trocar a mirada sobre a Discapacidade, apartando o Dis, e proclamando que "Todas as persoas temos capacidades diferentes".
O domingo 3 de decembro é o Día Internacional das Persoas con Discapacidade. Celebrámolo colaborando coa iniciativa "Baixo o mesmo paraugas" de @galiciadiversa (entidades sociais de toda Galicia unidas para celebrar este día cun paraugas colorido como sinal de identidade).
Invitámosvos a que veñades nos recreos a entretervos con distintos xogos e actividades. Algúns son de cursos pasados (o xadrez ou cubos de rubik) e outros son novos ("unno", “jenga”, “cortex”, “hundir la flota”, “scrabble”, “tabú”…) Tamén podedes colorear mandalas, tocar a guitarra, ler tranquilamente ou simplemente charlar cos compañeiros, compañeiras e profes. Pronto empezarán os recreos dinámicos con novas actividades. Vémonos alí!
O pasado 25 de setembro o alumnado de 1º ESO fixo o tradicional Roteiro de Convivencia que lles dá a benvida ao David Buján. Fixemos unha pequena ruta polo río Mero e despois de comer os rapaces e rapazas participaron nuns divertidos xogos que lles tiñan preparados os monitores no campo de fútbol Dani Mallo. Unha tarde para convivir e divertirse!
O luns 15 de maio visitounos por 2º ano Óscar Palleiro, bombeiro en Cambre e voluntario en salvamento, que nos falou do seu labor nas dúas ONGs coas que xa colaboraba o ano pasado: Proemaid e Rodeiras xuntas por Marrocos e tamén da súa nova colaboración en Turquía con Acción Norte. Ademais de aprender e empatizar coas inxustizas que se atopan detrás da crúa realidade da migración, os desastres naturais e a pobreza, fixémoslle entrega do 50% dos ingresos recadados (101,25€) na 2ª edición do Feirón Solidario de Nadal que se organizou desde os Departamentos de Economía e Convivencia coa colaboración do alumnado de 4º ESO-B. A dito donativo, sumouse a cantidade de 11,70€ doados pola familia dunha alumna. Total: 112,95€.
O Departamento de Convivencia e Mediación continúa coas súas actividades durante este último trimestre. Seguimos cos talleres de xadrez e de cubo de rubik. Temos novos cubos con diferentes formas e que son máis desafiantes! Retámosvos a que veñades á aula de convivencia a intentar resolvelos!
Hai unhas semanas retomamos os recreos dinámicos na Aula de Convivencia. Neste momento estanse a realizar un obradoiro de cubo de Rubik (impartido polos alumnos Sofía Díaz e N. Jeremy Riveira) e un obradoiro de xadrez (impartido polo profesor de tecnoloxía Jesús Alcaide). Proximamente comenzaremos co obradoiro de origami que impartirá o alumno Nicolás Martínez. Aquí tedes unhas fotos dos obradoiros. A divertirse!
A semana pasada empezou a funcionar de novo a Brigada Ecolóxica. Alumnado voluntario de 3º e 4º ESO prestouse a axudar a manter os arredores do centro limpo. Esta actividade repetirase varias veces ao longo do curso para concienciar a todo o alumnado da importancia de manter o noso centro e o noso medio coidado e libre de lixo.
.jpg)
.jpg)
Clica na imaxe para acceder aos materiais
