Charla sobre diversidade sexual e de xénero

Na última semana de marzo, alumnado de 2º de Bacharelato impartiu unha charla sobre Diversidade Sexual e de Xénero nas aulas de 1º de Bacharelato. A rigorosidade co que foron tratados os temas tivo unha boa acollida entre o alumnado de 1º que se amosou moi participativo.

Exposición "Valentes"

Nos últimos quince días estivo exposta no centro a mostra "Valentes" cedida por Amnistía Internacional. A través dela o alumnado da ESO coñeceu as condicións das mulleres en diferentes lugares do mundo, así como algunhas representantes máis destacadas da loita pola igualdade.

VÍDEOCONFERENCIAS DE FADEMUR

Nos arredores do día 8 de marzo desenvolvéronse varias actividades relacionadas co Día da Muller. A Federación de Asociacións de Mulleres rurais de Galicia (Fademur) en colaboración coa Deputación da Coruña, dentro do programa de Promoción de Valores en Igualdade, tivo un encontro co alumnado da ESO. O 15 de marzo tivo lugar o obradoiro "Os mitos do amor romántico e a Violencia de Xénero" no que participou 1º e 2º da ESO, mentres que o 12 de febreiro fíxose o obradoiro "Imaxes, influencers, Pornografía e Violencia de Xénero" para 3º e 4º. Con estas actividades preténdese desde Convivencia, Orientación, Titorías e Vicedirección traballar a prol da igualdade.

Actuacións da "Brigada ecolóxica"

Xa está plenamente activa a Brigada ecolóxica formada por alumnado voluntario. Este grupo encárgase unha vez á semana e durante o recreo de garantizar a limpeza do patio e os arredores do instituto. Ademais, coa súa acción xenerosa contribúen a preservar o medio natural, xa que evitan a presenza de plásticos e outro tipo de envases. Grazas!!!!

Encontro con Moncho do Orzán sobre "Descolonização digital"

Ramón Palleiro Rodríguez, Moncho do Orzán, licenciado en Telecomunicacións, á parte de músico, ensaísta e divulgador, impartiu en streaming unha palestra co título "Descolonização digital". Nela convidábase a reflexionar sobre os retos que nos propoñen as novas tecnoloxías, tanto no que se refire ao medioambiente, a seguridade, á construción das identidades colectivas e persoais, ás desigualdades económicas ou ao control da información. O encontro encádrase dentro da programación de Filosofía de 1º e 2º de Bacharelato, en colaboración con Convivencia e o Equipo de Dinaimización da Lingua.

O MUNDO MÁXICO DE ANTÓN NO ÚLTIMO VÍDEO DOS RESENTIDOS

O grupo vigués Os Resentidos volve sacar traballo musical. O primeiro videoclip, "Nautilus", conta cunha estupenda sorpresa. As ilustracións están feitas por Antón Romero, o artista de catorce anos do que tivemos ata hai pouco no centro a exposición "O mundo máxico de Antón". Os debuxos de Antón recrean o universo mariño que lle suxire o Nautilus, o submarino que aparece na obra de Julio Verne Vinte mil leguas baixo dos mares. Tal e como figura na novela, o Nautilus estivo pola ría de Vigo. Velaquí tedes a canción e os debuxos hipnóticos de Antón:

BRIGADA ECOLÓXICA

A semana pasada comezou o seu labor a Brigada Ecolóxica cunha sesión inaugural na que participaron profesorXs. Tras comprobar ao longo destes meses que o noso patio non cumpría uns parámetros de hixiene e limpeza axeitados, sobre todo nas zonas máis naturais, decidiuse activar esta brigada. Queremos unha contorna máis limpa, máis coidada, igual que queremos unha natureza que non estea degradada por plásticos nin outros refugallos. Por iso convidamos a calquera membro da comunidade educativa a participar e, por suposto, convidámosvos a ser todXs máis coidadosos. Para apuntarse como voluntariado, podedes indicarllo a Inma Otero ou a María José (Xefa de Estudos). Así mesmo haberá un folio para apuntarse no taboleiro de convivencia, ao lado da porta da cafetaría.